Tekst efter UBStL l.l.
Wir Sigmund , von Gotes gnaden Romischer kunig, zu allen czeiten merer des reichs, vnd zu Vngern, zu Behem, Dalmacien, Croacien etcetera kunge. Embieten den ersamen burgermeistern, rate vnd burgern der stat zu Lubeck, vnsern vnd des richs lieben getruen, vnser gnad vnd alles gut.
Lieben getruen, wir tun euch zu wissen, daz wir von wegen solicher zweitracht vnd krieg wegen, so zwischen dem durchluchtigisten fursten, herrn Eriken , zu Denmarck, Sweden vnd Norwegen etcetera kunig, vnserm lieben bruder, an einem, vnd den hochgeboren Henrichen , Adolffen vnd Gerharden gebrudern, herczogen zu Slesswig vnd grauen zu Holsten, Stormarn vnd Schauwenburg, vnsern lieben oheimen und ffursten, an dem andern teil, lanngczeit gewert haben, beiden parteinen einen rechttag gen Ofen bescheiden vnd mit vnsern kuniglichen briefen[a] in by dem ersamen maister Niclas Czeiselmeister , probst zu Tyn, lerer in geistlichen rechten, vnserm lieben andechtigen, doselbshin fur vns zu komen geheischet vnd geuordert haben.
Herumb von Romischer kuniglicher macht gebieten wir euch ernstlich vnd vesticlich, daz ir zwen ewers rates dem egenanten maister Niclas Czeiselmeister zu schaffet, mit im zu reiten vnd dabey zu sein, so er vnser kuniglich brief beiden parteien anntwurt.
Doran beweist ir vns vnd dem heiligen reich besunder gefallen vnd beheglichkeit.
Geben zu Totans, am freitag nach sant Lucie tag, vnser riche des Vngrischen etcetera in dem XXXVII, des Romischen in dem XIIII vnd des Behemischen in dem vierden jar.
I perioden frem til 30. juni 2021 vil redaktionen udelukkende udarbejde tekster.