Tekst og arkivalske oplysninger efter APD l.l.
Universis etc. Ludovicus etc.
Ad universitatis etc., quod dominus Petrus archiepiscopus Lundensis pro prima parte sui communis servitii, in quo camere apostolice sub certis penis et sententiis ac termino dudum elapso tenetur efficaciter obligatus, 200 fl. auri de camera ipsi camere, domino Antonio episcopo Senensi domini nostri pape thesaurario pro ea recipiente, necnon in deductionem trium minutorum servitiorum familiaribus et officialibus dicti domini nostri sub eisdem penis et sententiis ac termino debitorum 80 fl. similes, clericis camere predicte prefatorum familiarium et officialium nomine recipientibus, per manus venerabilis viri magistri Olavi Jacobi cantoris ecclesie Lundensis in Romana curia procuratoris die date presentium solvi fecit realiter et cum effectu.
De quibus etc.
Et insuper [etc.]. Secum etc.
Verum intellecta mole gravaminum pro parte dicti domini Petri archiepiscopi coram nobis exposita, que ipsum ad solvendum residuum dictorum communis et minutorum servitiorum reddebant hactenus, prout reddunt, verisimiliter impotentem, auctoritate nobis in hac parte incumbenti terminum faciende solutionis residui predicti ad quatuor menses proxime futuros duximus prorogandum et prorogamus per presentes.
In quorum etc.
Datum Florentie die 26. mensis febr. 1420 indictione 13 anno 3.
I perioden frem til 30. juni 2021 vil redaktionen udelukkende udarbejde tekster.