Tekst efter Aarsb. fra Geheimearch. anf. st.
Omnibus presens scriptum cernentibus Nicolaus Amagæ de Steppingh, Agho de Thuorstorp, presbiteri, salutem in domino sempiternam. ♦
Universis et singulis constare volumus evidenter, quod quivis custos, qui per triginta annos ad altare parochiale beate virginis in ecclesia collegiata Haderslevensi servierat, idem eciam in choro dicte ecclesie servivit et omnia officia custodis in choro habuit, videlicet pulsandi, ignem et aquam afferendi, matutinas, missam summam, vesperas, et alias horas canonicas visitandi, nec non omnia alia officia sive servicia ad custodem spectancia ministrandi, nichilominus officium custodie dictorum altaris et chori ad dictos xxx annos et ultra extiterat unitum, nec ullus quicunque ad instituendum seu ad destituendum aliquem in custodem in dicta ecclesia Haderslevensi, nisi cantor et capitulum, se aliqualiter intromisit, que in verbo veritatis et in nostris veris conscientiis in hiis scriptis lucide protestamur, sigilla nostra presentibus appendentes. ♦
Datum Haderslef, anno domini mo cccco xvo. secunda feria pasche. ♦
I perioden frem til 30. juni 2021 vil redaktionen udelukkende udarbejde tekster.